Украинската влада забрани лиценцирање на вакцини за коронавирус развиени или произведени во Русија.

Одобрението за вакцини против ковид-19 кои беа развиени или произведени во агресорската земја е забрането“, стои во одлуката на украинската влада, објавена синоќа.

Украина официјално ја прогласи Русија за „земја агресор“ по анексијата на Крим во 2014 година и почетокот на војната со проруските сепаратисти на истокот од земјата.

На 1 февруари, проруските бунтовници објавија почеток на вакцинирање Спутник V на териториите што ги контролираат.

Украинската влада има проблеми со набавка на вакцини против вирусот корона и ги очекува првите вакцини во наредните недели во рамките на програмата ООВ „Ковакс“, што треба да обезбеди вкупно осум милиони вакцини. Киев смета на 12 милиони вакцини од Астразенека и Новавакс и планира да купи 1,9 до пет милиони кинески вакцини доколку се ефективни најмалку 70 проценти.

Во Украина, која има 40 милиони жители, досега се регистрирани 1,2 милиони позитивни на коронавируси, додека 24 000 починаа.