Утре завршува законската обврска за задолжително поседување на зимската опрема во возилата.

Од АМСМ апелираат возачите да ја носат зимската опрема заклучно до утре без оглед на моменталната временска состојба.

Моментално сообраќајот на државните патишта се одвива непречено по наместа влажни коловози. Слаб снег провејува на Попова Шапка, Стража и во Маврово, но во мометов не се задржува на коловозот.

Од АМСМ известуваат дека на 12.03.2019 започнa изведување на градежни активности (поставување сообраќајна сигнализација и осветлување) на патен правец Велес – Катланово пред и во тунелот, во времетраење од 10 дена и информираат дека аавтопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. Во моментов на автопатот се вршат проверки од безбедносен карактер. АМСМ апелира до сите возачи да не го користат автопатот.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.