Во организација на спортски триатлон клуб Триоги рејсинг Скопје, утре во во времето од 08,30 часот до 12,30 часот ќе се одржи интернационален натпревар „Топси Триоги Триатлон“.
Одделението за безбедност на патниот сообраќај во Град Скопје во утрешниот период од 07,30 до 12,30 часот ќе има посебен режим на сообраќајот на булеварот „Илинден“ од крстосница со булеварот „8-ми Септември“ до крстосница со улицата „Љубљанска“.
За сообраќај ќе биде целосно затворена коловозната лента која е во насока на движење од „Мида моторс “ спрема населбата Ѓорче Петров, а сообраќајот ќе се пренасочува по околните сообраќајници.
Меѓународниот спортски натпревар, во текот на утрешниот ден ќе започне со пливање во базенот „Карпош“, потоа ќе продолжи со возење на велосипед со старт од Вип Арена СЦ Борис Трајковски долж пристапната улица, десно по булеварот „Илинден“ до крстосница со улицата „Љубљанска“ каде се врти полукружно назад по истата коловозна лента на булеварот „Илинден“ до крстосница со булеварот „8-ми Септември“ и потоа назад кон ВИП Арена СЦ Борис Трајковски од каде ќе се започне со трчање долж тротоарот на булеварот „8-ми Септември“ десно по булеварот „Илинден“ до целта пред ВИП Арена СЦ Борис Трајковски, во Скопје.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.