Времето наутро ќе биде ведро и студено, а преку денот сончево и тивко со услови за појава на утринска магла по одделни котлини. Утринската температура ќе се движи од минус десет до минус еден, а дневната од шест до 13 Целзиусови степени.

Утре времето ќе биде променливо облачно, а попладне со локален слаб дожд, на планините слаб снег. Ќе дува умерен северозападен ветер. Минимална температура ќе биде во интервал од минус седум до два степена, а максималната од пет до до 12 Целзиусови степени.

В недела ќе биде променливо облачно, претпладне со услови за слаб дожд на некои пониски места и слаб снег на планините. Ќе дува слаб до умерен ветер од северозападен правец. Попладне облачноста ќе се намали. Минималната температура ќе биде во интервал од минус четири до четири степени, а максималната температура од четири до 10 Целзиусови степени.

Состојба на патишта низ Македонија:

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

ИНФОРМАЦИЈА: Од 30.12.2019 реконструкцијата на мостот на Вардар кај с. Пепелиште на патниот правец Неготино – Лакавица е завршена. Сообраќајот се одвива нормално за сите видови на возила.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ЗИМСКА ОПРЕМА: Од 15.11 2019 година започнува законската обврска за задолжително поседување на зимската опрема во возилата. Оваа обврска ќе трае до 15.03.2020 година. На овој линк повеќе информации што се подразбира под зимска опрема.

СЕЗОНСКО ЗАТВОРАЊЕ: Патниот правец Р2332 Охрид – Ресен, преку националниот парк Галичица (врска со Р1307 Царина – врска со А3 и Р1301 – Трпејца), од 15.11.2019 до 01.04.2020 е затворен за сообраќај за сите видови возила.