Повторно невиден скандал на “Твитер” предизвика Американскиот претседател Доналд Трамп, кон најдобриот кошаркар на денешницата Леброн Џејмс, после неговото интервју на Си-ен-ен.

Доналд Трамп е активен на социјалните мрежи и изгледа тоа му причинува големо задоволство.Тој е скоро секој ден активен на Твитер и многу вешто знае да ги искритикува сите луѓе,кои ќе му се најдат на патот.Еден од нив е и познатиот светски кошаркар Леброн Џејмс кој се најде на “твитер” листата на Трамп. Како што јавуваат Американските медиуми славниот кошаркар,претходната недела отворил училиште за сиромашни и многу проблематични деца, во својот роден град Екрон во близина на Кливленд.

Исто така и тој е познат на Американските медиуми како голем критичар на познатите личности.Веднаш после отворањето на училиштето во интервју за Си-ен-ен, го критикуваше претседателот Трамп, на кој сега и тој не му остана должен,и веднаш му напиша на социјалните мрежи, и во свој стил ја возбуди Американската јавност.

„Леброн Џејмс беше интервјуиран од најглупавиот човек на телевизија, Дон Лемон. Тој направи Леброн да изгледа паметно, што воопшто не е лесно да се направи. Мене ми се допаѓа Мајк“, напиша Трамп.

Тој со еден негов Твит успеа да го навреди славниот кошаркар Леброн Џејмс, исто така и новинарот и дека во дебата за најдобар кошаркар на сите времиња, тој навива за Мајкл Јордан, со што уште еднаш го привлече вниманието на јавноста ширум светот.

Да се потсетиме дека Леброн е многу голем критичар за работата на претседателот Трамп, и во секоја прилика јавно го критикува Американскиот претседател. Што ќе биде наредниот скандал на Американскиот претседател Трамп, останува да видиме.