Ракометарите на Вардар вчера го оставија срцето на терен, за да го направат овој чудесен пресврт во полуфиналето со Барселона.
Вардар со неверојатна игра во второто полувреме вчера ја победи Барселона, а македонскиот тим се врати од седум голови негатива. Денеска во финалето со Веспрем, нашите шампиони ќе се борат за шампионската титула.
Колку само херојски беше нивниот подвиг говори дотрошеноста на Игор Карачиќ на крајот од натпреварот.
„Три дена тренирам со 39 температура, не знам можеби дехидрација е во прашање. Не знам што е. Некаде околу 50. минута почувствував грчеви на двата листа и на крајот на шут едноставно ме пресече. Ќе видам што е кога ќе отидам во болница“, објасни Хрватот.
Игор Карачиќ е хрватски ракометар кој настапува за РК Вардар и Ракометнта репрезентација на Хрватска.
Неговиот постар брат Иван Карачиќ настапува за Босна и Херцеговина, додека неговиот помал брат Горан Карачиќ е фудбалски голман и настапува за националниот фудбалски тим под 21 година во Босна и Херцеговина.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.