Оние кои ја прекршуваат федералната мерка за задолжително носење заштитна маска за лице во Соединетите држави се соочуваат со парична казна од 250 американски долари, соопшти денеска Управата за безбедност во сообраќајот (ТСА)!

Казната може да се искачи на 1.500 УСД за повеќекратни прекршувања, пренесува Си-Ен-Ен.

„Врз основа на значителни отежнувачки или олеснителни фактори, TSA може да побара износ на казна што е надвор од тие опсези“, соопштија од агенцијата!

Американските авиокомпании изјавија дека презеле иницијатива за забрана за патници што не се во согласност со мерките, а Федералната управа за авијација соопшти дека ќе спроведе мерки против сите патници кои го попречуваат летот или напаѓаат членови на екипажот за упатствата да носат маска!

Маските се задолжителни во транспортните центри како што се железничките станици и аеродромите, како и на многу мрежи на комерцијални и јавни превози, како што се возови, автобуси и авиони.