По освојувањето на титулата во „Хопман купот“, Роџер Федерер изјави дека Новак Ѓоковиќ е фаворит за освојување на првиот Гренд-слем турнир за оваа година – Австралија опен.

 Првенството на Австралија во тенис е на програма од 14-27. јануари, а покрај Маестро, главните фаворити за победа, како и секогаш, се Ѓоковиќ и Надал.

– Тој е (Ѓоковиќ) фаворит, без сомнение. Без разлика на она што се случи во Доха, тој имаше неверојатно добри пет или шест месеци од минатата година. Се мачеше на почетокот, но тој покажа класа и штом Новак влезе во форма, многу е тешко да биде победен, изјави Федерер.

Федерер на листата на фаворити за АО 2019 го додаде и шпанскиот ас, Рафаел Надал.

– Луѓето секогаш се сомневаат, често се прашуваа дали тој некогаш ќе се врати. Но тој не заборавил да удира тениско топче. Така е и со Рафа. Кога е на 100 отсто, знаеме колку е тешко е да се победи. Штом двајцата се на 100 отсто – тие се фаворити, додаде Роџер Федерер.

Благодарение на сјајните успеси, Федерер е избран за спортист на годината според списанието Ларус, 4 години по ред (од 2005 до 2008), а за истото признание бил номиниран и во 2004, но не успеал да го добие. Во 2009 година, АТП го избрал Роџер за најдобар играч на деценијата (2000-2009). Во 2011 Федерер бил рангиран на 25. место на највлијателни славни личности според магазинот Форбс.