–Во судница ќе бидат презентирани сите материјали кои ни ги достави СДСМ, но ќе ги презентираме и разговорите кои мене ми беа испраќани, појасни обвинителката Фатиме Фетаи.

Обвинителката од Специјалното јавно обвинителство веќе претходно на едно од последните рочишта информираше дека по завршувањето на овој дел од постапката ќе има и дополнителни докази од 31 телефон, а најави дека судењето ќе предложи со изведување на аудио снимки и транскриптите од сите разговори поврзани со случајот, а доставени до СЈО во декември 2015 година од политичката партија СДСМ.

„Фокус“ веќе претходно објави дека во рацете на СЈО, а сега и на судот има 38.000 „бомби“ поврзани со Монструм.