Министерот за здравство Венко Филипче и членовите на Комисијата за заштита од заразни болести, ја завршија средбата на која требаше да разговараат за зголемениот број на заболени од Ковид-19 и евентуалното воведување на нови рестриктивни мерки. 

Имено министерот по завршување на средбата, за Сител информираше дека на средбата било договорено да ја следат состојбата во следните денови па потоа да се одлучува за можното воведување на рестрикции.

И следните денови ќе следиме какви ќе бидат бројките на новодијагностицирани. Ова е навистина висока бројка во однос на претходните денови. Заклучивме дека денеска и утре треба да се направи увид за начинот на трансмисија на вирусот во секоја општина посебно. Ако нешто откриеме, да може да одлучиме какви мерки и каде би се вовеле – рече Филипче во живо на вестите на Сител.

Филипче потенцира дека до викендот ќе знае какви мерки и во која општина треба да воведат.

ДТој нагласи дека дали ќе се намали работното време на угостителските објекти или да се намали бројот на маси ќе се знае по епидемиолошките прашалници.

Не се исклучува можноста и за затворање на градинки и училишта, потенцираше тој.