Во претходниот мандат изградивме доверба и покажавме што значи силна институција во служба на граѓаните. Во новиот мандат, нѐ чека есен со нови предизвици од Ковид-19. Ветувам дека заеднички ќе ја надминеме здравствената криза, рече досегашниот министер за здравство Венко Филипче!

Тој вети и дека во следните четири години, ќе се продолжи со подобрување на условите во здравствените установи и зголемување на платите на медицински персонал.

Активно продолжуваме да ги слушаме граѓаните и да го унапредуваме целото јавно здравство.

Додека пак одговорна власт посветена на економскиот просперитет вети мандатарот Зореан Заев во експозето пред Собранието предлагајќи го составот на новата Влада.

Заев нагласи дека новата влада има план за иновативна, стабилна конкурентна македонска економија, подготвена да одговори на новите предизвици и да понуди шанса за секој.

– Во претходните 3 години, во време на решавање на најголемите отворени прашања на надворешен и внатрешен план,  покажавме дека можеме да се обезбедиме повисок економски раст кој создава нови работни места, паралелно со повисоки плати и пензии.

Покажавме дека може да се постигне историски најниска невработеност, а минималната плата да се зголеми за дури 60 отсто, од 9.000 денари на 14.500 денари за нецели три години, рече Заев.