Угостителските објекти ќе се затвораат во 18 часот, наместо во 21 часот како што беше досега, апелираше на социјалните мрежи министерот за здравство, Венко Филипче!

Забрането е организирањето на каков било тип прослави за време на новогодишните празници на отворен и на затворен простор од страна на кои било физички и правни лица и јавни субјекти.

Ова се дел од мерките, коишто Владата ги донесе на денешната седница, по препорака на Комисијата за заразни болести.

Овие мерки ќе траат во периодот од 18 декември до 20 јануари, со цел да го избегнеме зголемувањето на бројот на заболени од КОВИД-19 во претстојниот период на празници, вели тој!

Угостителските објекти се еден сериозен ризик и затоа го ограничуваме работењето до 18:00 часот. Препорачуваме да нема домашни собири и да нема собири во викенд населбите. Забраната за групирање е на сила. Оваа зима е сериозен предизвик и мора сите заеднички да му помогнеме на здравствениот систем, а пред сѐ на нашите здравствени работници, потенцираше тој!