Девет пациенти се излекувани и пуштени на домашно лекување;Денеска се потврдени 26 нови случаи со КОВИД-19: Дебар 1 , Скопје 19, Куманово 3, Прилеп 1, Тетово 1, Крива Паланка 1; Вкупната бројка на дијагностицирани досега изнесува 285 лица соопшти министерот за здравство Венко Филипче;
Денеска во Македонија од коронавирус почина уште еден 79 годишен пациент од Дебар; На Инфективната клиника примени се 8 нови пациенти, вкупната бројка на хоспитализирани на Клиниката изнесува 47. На механичка вентилација се поставени тројца пациенти, на 50, 63 и 67 годишна возраст;
Денеска завршува инспекцијата од страна на ДСЗИ во врска со третманот на починатата пациентка од околината на Струга;Од денеска во функција пунктот во Поликлиниката Чаир, а од среда ќе работи и пунктот во Млин Балкан – капацитетот во Скопје се дуплира;
Министерот соопшти дека е завршена анализата за приватните лаборатории – со нивното вклучување согласно договорите кои ќе се направат со Фондот за здравствено осигурување капацитетот значајно ќе се зголеми;
Во Институтот за физикална медицина и рехабилитација се тестирани 46 вработени и 6 пациенти. Позитивни на коронавирус се 8 медицински лица и двајца пациенти. Пациентите да се упатуваат во ГОБ „8 Септември“;Клиниката за кожни болести почна со работа, во следните денови ќе биде соопштен и начинот на работа согласно термините коишто ќе бидат ослободени преку системот МојТермин рече Венко Филипче.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.