Министерот Венко Филипче соопшти дека денеска ќе стигне донација од 2000 кинески вакцини од Абу Даби.

-Од почеток на февруари имавме иницијатива преку нашиот амбасадор со Емиратите со Абу Даби и денес ќе стигнат донација од 2000 кинески вакцини и организиран е превоз. Вакцините ќе стигнат на аеродромот во Софија, а оттаму има организиран превоз со кој вакцините ќе пристигнат во нашата земја во текот на денот, рече Филипче.

Запрашан за вакцинација на останатиот дел од граѓаните во Македонија, министерот за здравство, Венко Филипче повика на трпеливост.

Драго ми е што денеска одзивот на новинарите за вакцинација е голем, а овој месец стигнуваат нови вакцини во нашата држава. Повикувам на трпеливост кај населението, има вакцини за сите, истакна Филипче.