Министерот за здравство Венко Филипче, вчера по посетата на Институтот за белодробни заболувања кај децата – Козле, истакна дека вирусот Ковид 19 може да се лекува дома, но само во случај на лесна форма на болеста, но по првото влошување на состојбата неопходно е заболените да се упатат на болничко ветување.

„Лесната форма на болеста може да се лекува во домашни услови под контрола на матични лекари. Но, многу е битно да знаат граѓаните дека и при најмало влошување на состојбата, по препорака на матичен лекар, пациентите треба да се јават во болница. Има болнички капацитети.“ – изјави Фипилче.

За бројот на починатите пациенти од Ковид-19 Филипче рече дека се должи на тоа што дека огромен дел од заболените пациенти доцна се јавуваат на болничко лекување и дури 50% од смртните случаи се по првите неколку денови од приемот во болница.

Филипче апелираше веднаш по влошување на симптомите, пациентите преку матичен лекар да се јават за болничко лекување.

„Има многу такви случаи во коишто има влошување на состојбата во домашни услови, има влошување на состојбата и додека се пациентите во болница. Мора да знаат сите дека и најмало влошување треба да се земе крајно сериозно, треба да е сигнал за да се хоспитализира пациентот. “ – изјави Филипче.