Вo гостување на Канал 5 телевизија, министерот Венко Филипче, истакна дека поради тоа што луѓето не ги почитувале доволно мерките за социјална дистанца и носење заштитна маска се случи оваа состојба во државата, вториот бран на заразата подрани бидејќи како што вели луѓето се опуштија со семејни прослави и големи собири.
И покрај трицифрениот број на заболени кој веќе речиси три недели не се намалува, Венко Филипче вели дека ситуацијата и натаму е под контрола.
.„Не постои ниту еден единствен податок, еден анкетен епидемиолошки лист кој што укажува на тоа дека човек се заразил ако ги почитува мерките. Апсолутно. Правевме анализа и направивме увид. Секаде каде што видовме изјава дека или не се носеле маски или имало голем собир со огромен број на луѓе на мала дистанца или дистанцата не се почитувала во рамки на помали семејни настани. Уште еден показател дека единствен начин да се заштитиме е почитувањето на овие протоколи“, кажа Филипче.
Министерот истакна дека проблемот со асимптоматските носители би можел да се надмине со објавување на имињата на лицата позитивни на Ковид-19.
„Дефинитивно на тие на кои што не може да им се врачи решението ќе бидат јавно објавени. – Не е тоа кривично дело, не се одговара за прекршување на здравствени прописи? –Верувам, и можно ширење на заразна болест дефинитивно.
– Ама никому ништо.Имаше вчера Бухова прес, дека имало од свадба 14 позитивни и ниту еден не кажува контакт и тоа е. – Мора сите институции да се максимално ангажирани. Мора институциите тие настани да ги контролираат. Доколку има прекршување на мерките да се санкционираат. Ова не е борба во која што само здравствениот систем може да учествува, да ја води и да победи.“ вели Венко Филипче, министер за здравство .
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.