Министерот за здравство Венко Филипче на денешната прес конференција посочи дека полицискиот час не е решение. Тој апелира граѓаните да ги почитуваат мерките.

Над 85% од починатите пациенти со ковид-19, имале и други коморбидитети, тврди министерот за здравство Венко Филипче.

Покрај тоа, има сериозен број и на пациенти кои доцна се јавуваат во болница.

„Огромен процент од пациентите се со коморбидитети, значи тешка форма на друга хронична болест од која биле лекувани долго време. Понатаму сериозен број на пациенти кои навистина доцна доаѓаат во болница со веќе многу тешка манифестација на болеста. Тоа е тренд кој не следи од почетокот, ние од почеток имаме една одредена бројка ама сега генерално се зголеми бројката на пациенти кои доаѓаат доцна во болница. Над 85 проценти од починатите се пациенти кои имаат коморбидитети“, рече тој!

Апелирам граѓаните да излегуваат од дома само по потреба. Целта е да се избегне групирање.

Во овој период полициски час не е решение, доволно е мерките кои се веќе познати да се почитуваат, рече министерот Венко Филипче на прес-конференцијата која пред малку се одржа пред Министерството за здравство!