Министерот за здравство Венко Филипче одржува прес конференција по страшната трагедија во модуларната болница во Тетово , каде животот го загубија 14 лица, а 12 се борат за живот. 

Не бегам од одговорност, но одлуката за тоа дали ќе поднесам оставка, ќе ја донесам по завршувањето на истрагата, изјави министерот за здравство Венко Филипче на прес-конференцијата по повод вчерашната трагедија во модуларната болница во Тетово, во која загинаа 14 лица.

Во ковид центарот имало 26 пациенти, медицинскиот персонал бил составен од двајца лекари и четири и медицински сестри. Нема повредени и починати медицински работници. 

„Починатите се на возраст од 29 до 79 години и ќе се прават анализаи на днк за утврдување на идентитетот, – рече Филипче.

Во однос на модуларните болници, Филипче рече дека се запазени сите стандарди. Истрагата ќе утврди дали по предавање на објектот за користење, тој бил одржуван.

Квалитетот на модуларните болници имал сертификат од производителот, а процесот на инсталација е со А тест и под надзвор на акредитирана компанија.