Вработените во клинички се откажаа од блокирањето на наплатните пунктови, но и понатаму паузата ќе ја поминат во мирен протест против одлуката на градските власти за покачување на цените на паркингот.
Министерот за здравство ги замолил за трпение, додека тој се обидува да го разубеди градоначалникот Шилегов и да најдат заедничко решение.
Здравствените работници бараат за нив да има повластена цена, која е помала од онаа што ја плаќаат останатите граѓани. Сметаат дека сегашната инфраструктура на паркингот не ги задоволува потребите ниту на вработените, ниту на пациентите.
Градоначалникот Шилегов претходно обвини дека од вкупно 670 паркинг места, на здравствените работници им биле издаени 1.500 картички по цена од 300 денари месечно.
Господинот градоначалник на град Скопје си зема своја слобода да нас не обвини дека сме виновни зошто пацинетите не може да се паркираат и ние сме биле криви. – вели Д-р Горан Беговиќ – претседател на ССКЦ.
Власта да излезе со паметни решенија, а не со парање за покачување на карицата за паркинг, а притоа да не ни обезбеди место. – вели Јулијана Јовановска – Медицинска сестра, Член на ССКЦ.
Ова не е паркинг ова е автопазар. Кога транспортирам пред мене пациентот диши гасови од возилата, тоа е перење на пари, што вложил во клиниката во паркинот? – вели Ивица Апостоловски – Медицински Лаборант.
Од министерството за здравство велат дека по средбата на министерот со градоначалникот Шилегов, ќе информираат што ќе биде одлучено. Од друга страна револтирани се и пациентите кои пак се жалат дека со часови кружат во кампусот додека најдат слободно место.
Смрт е, не ни влегувам, колата ако треба на бит пазар ќе ја оставам, само тука не влегувам. Ова е лудница, треба нешто да се преземе, инаку народот се малтретира. Нека се направи посебен паркинг за вработените, па нека биде и без пари за нив. Барем за лекарите, кои што работат, треба да има еден дел обележан со картица за вработените па нека си влезат, што ако лекарот треба итно да дојде? – велар револтираните граѓани.
Согласно одлуката на Град Скопје – наместо 300 денари месечно за паркинг, сега и вработените на клиниките треба да плаќаат по 800 денари.
Градските власти се на став дека со оваа одлука практично се изедначуваат цените на паркингот за сите граѓани во Скопје и дека ова е најниската ставка која се плаќа во моментов секаде за месечна претплата.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.