Министерот за здравство, Венко Филипче, вечерва изјави дека состојбата на жената која е заболена 50-годишна жена е добра.

Министерот Венко Филипче на прес конференција истакна дека девет лица имало во комбето со кое заразената се вратила во Македонија. Епидемиолозите треба да дознаат со кој се комуницирале овие патници.

Сите лица вечерва ќе останат дома со полициски надзор, како што е тоа предвидено во протоколите. 

-Станува збор за комбе во кое биле девет луѓе, осум патници и еден возач. Три се идентификувани на две места во Скопје, заедно со роднините на пациентката која што ја пречекале и три места во Струмица. Во овој момент упатени се екипи на епидемиолози заедно со претставници на МВР за да се направи соодветната анкета по однапред утврден прашалник кој што е во регуларниот пристап на епидемиолозите, рече Филипче.

-Врз основа на податоците со колку луѓе контактирале во текот на денот и колку има членови на семејството ќе се одреди дали ќе продолжи домашната изолација утре ќе бидат префрлени во претходно одредените инфективни одделенија за надзор, вели Филипче.
Потенцира дека нема простор за паника и нема потреба од снабдувања и од дополнителни залихи.

 Идентификувани се сите деветмина луѓе во комбето кое во земјава влегле на граничниот премин Табановце, вели Филипче.

Осуммина се патници, а еден е возачот на комбето. Со сите е контактирано телефонски. Кон нивните домови веќе се упатени епидемиолози и тие ќе им направат соодветна анкета, односно прашалник за дознавање податоци со кои лица овие патници комуницирале деновиве. Тестови нема да им се прават, а и тоа е целта на изолацијата која трае 14 дена. Ќе се следи ситуацијата, па ако се појават симптоми тогаш ќе настапиме со лекување – рече Филипче.