Откако во јавноста излезе информацијата дека поголемиот дел од заразените со Ковид 19 се тестирани во приватната болница Систина, министерот Венко Филипче излезе со одговор. 

Тој вчера посочи дека всушност се работи за различни тестови, и сите оние пациенти кои направиле тест во Систина и бил позитивен сепак треба да направат тест и во ИЈЗ. Филипче посочи дека тестовите кои се користат во Систина го детектираат само присуството на анти тела на вирусот Ковид-19.

Во однос на објавите во дел од медиумите за бројот на позитивни случаи од тестираните пациенти во Систина, Министерството за здравство го појаснува следното:Тестовите кои ги користи приватната клиника Систина се различен тип од тестовите на сите останати институции. Имено, тие тестови го детектираат присуството на анти тела на вирусот Ковид-19, додека останатите тестови го детектираат директното присуство на самиот вирус.

Сите пациенти кои се детектираат како позитивни на тестовите на анти тела кои ги прави Систина, задолжително треба да направат тест за присуство на вирусот во ИЈЗ, согласно одлуката на Комисијата за заразни болести во министерството.