Албанскиот премиер Еди Рама повторно предизвика смеење со својот стајлинг и ги запали социјалните мрежи каде корисниците го коментираат неговиот специфичен вкус кога станува збор за модата.

Рама веќе е познат по својот необичен стајлинг но ова е доказ дека тој е голем љубител на спортската елеганција. 

Имено албанскиот премиер на вчерашниот состанок во Охрид на кој присуствуваа претседателот на Србија Александар Вучиќ и премиерот на Македонија Зоран Заев се појави во црно класично одело, црвена вратоврска, но она што им го привлече вниманието на многумина, беа црните патики од брендот Адидас, и секако во истиот момент стана вистински хит на социјалните мрежи.

Ова не е прв пат Еди Рама да се појави со ваков необичен стајлинг. Тој на многу важни настани тој се појавувал облечен во патики, панталони кои наликуваат на тренирки со бренд Адидас, но знае да изненади и необични дезени на вратоврски.

Повеќе пати на значајни настани беше во центар на вниманието поради комбинацијата со одело и бели патики.

Еди Рама е роден на 4 јули 1964 во Тирана) — албански политичар, уметник и писател, кој од 2013 е премиер на Република Албанија. Рама е лидер на Социјалистичката партија на Албанија од 2005. Тој бил министер за култура и спорт во владата на премиерот Фатос Нано (1998–2000), а во три последователни мандати бил и градоначалник на Тирана (2000–2011). На парламентарните избори во 2013, неговата партија остварила победа врз Демократска партија на Албанија на премиерот Сали Бериша. Рама е добитник на наградата за светски граддоначалник во 2004 година, а според Тајмс, тој бил еден од најзначајните европски политичари во 2005.