Митко Јанчев, градоначалникот на Кавадарци, изминатиот период повторно стана актуелен во јавноста, откако ги повтори своите амбиции да застане на чело на ВМРО ДПМНЕ.

Јанчев е е дипломиран инженер-геолог на Универзитетот „Гоце Делчев” Штип, а магистерските студии на истиот ги завршува на отсекот на техничките науки, петрологија, минералогија и геохемија.

Тој е еден од најуспешните приватни стопанственици кај нас, сопственик на фабриката за производство на вода, „Кожуфчанка“ од Кавадарци.

Јанчев е познат по својата хуманост и борба за општествена одговорност, а тоа го потврдуваат големиот број на активности и донации во сите сфери на општеството.

Поддржувач е на голем број спортски настани и спортски клубови, како во Кавадарци, така и низ целата држава.

Јанчев важи за модерен човек и политичар, кој знае како да го заштити своето семејство од јавноста и ретко кога споделува моменти за својот приватен живот.

Овојпат се реши со своите следбеници на социјалните мрежи да сподели еден убаво момент кој очекувано наиде на позитивни реакции.

На официјалниот профил на фејсбук на градоначалникот Митко Јанчев, доцна синоќа беше објавен пост со фотографии од роденденот.

На истиот можеше да се забележи дека Митко својот 39-ти роденден го прославил со најблиските.

Поточно во потесниот круг на семејството, со сопругата Веселка, синовите Никола и Стојанче, како и ќерката Мила.