Бројот на жртви од крвавиот масакр кој се случи утринава во две џамии во Нов Зеланд се искачи на 49,  а повеќе од 20 лица се повредени, изјави полицискиот комесар, Мајк Буш.

Тој како што пренесува Ројтерс, изјавил дека во една џамија загинаа 41 лице, во другата 7, а уште едно починало во болница.

Комесарот Буш изјави и дека нападот бил добро испланиран.

На прес-конференција за медиумите Буш кажа дека напаѓачот е обвинет за убиство а утре ќе се појави пред судот. Не сакаше да одговори дали истиот напаѓач е одговорен за двата напади.

Инаку за сега се уапсени четири лица, а главниот напаѓач е идентификуван како 28-годишен Австралијанец, Брентон Тарант кој во крвавиот поход тргнал со оружје на кое стоеле натписи на германски, бугарски, руски и српски јазик.

На оружјето пишува: Марко Милјанов Попович (1833.1901)  – црногорски народен книжевник, војсководец и војвода.

Стефан Лазар-  српски кнез Лазар Хребељанович (1329 – 1389), погина во борба со Турците на Косовско поле. Го користеше кралското име Стефан Лазар.

Се споменува и битката на Иванковцу која се одиграла во 1805 година. Се наведува и 1683. година која се однесува на опсадата во Виена кога Османското царство ја окупирала Виена. Со таа битка е прекинато напредувањето на турците во Европа.

На оружјето се наведени многу битки и личности кои во историјата се бореле против исламот во Европа.

Инаку Тарант рече дека главен мотивирачки лик за масакр, му бил Норвежанецот Андерс Брејвик, кој во 2011 година уби 77 лица во кампот на лабуристичката младина на норвешкиот остров Утој.