Сите честитки и пофалби одат на контото на Р.К. Вардар по вчерашната победа над Вестпрем, која го направи македонскиот клуб по втор пат европски шампион.

Во рок од три години, нашите ракометари успеаја двапати во свои раце да го држат трофејот за шампиони во Европа, и да го освојат европското злато во Лигата на шампиоите.

Хероите на Вардар буквално го оставија срцето на терен и покажаа како се сака Македонија. Тие вчера одиграа неверојатен натпревар и стигнаа до голема победа од 27:24 против Веспрем.

Првата честитка веднаш по последниот судиски свиреж за ракометарите на Вардар стигна од поразениот тим во полуфиналето –Барселона, која Вардар ја исфрли од финалето.

Да потсетиме Вардар ја совлада Барселона во полуфиналето со 29:27, откако направи неверојатен пресврт на натпреварт кој се одигра завчера. 

Вардар ја совлада Барселона и оствари голема победа над шпанскиот шампион Барселона со 29 наспрема 27 во второто полуфинале на фајнл-фор турнирот на ракометната Лига на шампиони.