Во организација на Здружението за културна соработка „Јохан Штраус“ и под покровителоство на Амбасадата на Република Австрија во Македонија, вечерва се одржува 20-тиот јубилеен по ред „Виенски бал“ во Скопје.

Секако многу јавни личности се појавија во скопскиот хотел Александар Палас, а меѓу нив беа и премиерот Зоран Заев и неговата сопруга Зорица.

Инаку премиерот и неговата сопруга Зорица, и минатата недела беа на Виенски бал, но во Виена, како гости на канцеларот Себастијан Курц. 

За вечерва, премиерот се одлучи за класична црна комбинација.                                                                                                                      

Тој облече црн смокинг, а неговата сопруга која исто така се реши за црна долга тоалета, беше една од најелегантните гостинки на балот.

Премиерот и неговата понежна половина ги собраа сите погледи. Тие привлекоа најмногу внимание веднаш штом стигнаа пред хотелот.  

Од минатата година, „Виенски бал Скопје“ е ставен и на светската мапа на виенски балови. Поради долготрајноста и успешноста во организирањето на балот кај нас, годинава организаторот доби и поздравно писмо од градоначалникот и гувернер на Виена, Михаел Хојпл со кое го поздравува организирањето на традиционалниот централен настан на општествениот живот во Виена и во Скопје.

„Виенски бал“ во Скопје има и хуманитарен карактер и секоја година се обезбедуваат и средства за поддршка на оние на кои им потребна. Годинава тоа е граѓанската организација на лица со и без хендикеп, која работи на суштинско поврзување и целосно остварување на основните човекови права и слободи на лицата со хендикеп- „Полио плус“.

ФОТО.ЖЕНСКИ МАГАЗИН