Францускиот амбасадор во Македонија, Кристиан Тимониер, синоќа имаше можност, премиерно да го погледне филмското остварување “Ругање со Христа” на режисерот Јани Бојаџи.

По филмот, амбасадорот Тимониер, со пофални зборови за уметничкото дело на Бојаџи:

Ти благодарам. Го гледав филмот вечерва.

Повеќе го разбрав како медијација врз наследството на културата на насилство, отколку било што друго и пред се како химна на животот и љубовта. Ти благодарам за ова

Кристиан Тимониер 
Француски амбасадор 

По овие зборови на пофалба, се огласи и режисерот Јани Бојаџи кој на социјалните мрежи напиша:

Му благодарам на Амбасадорот на Франција за вниманието и интересот за филмот,”Ругање со Христa” и за мојата работа како уметник воопшто.

Долги години избегнував вакви средби. Ги сметав за “кодошење” на сопствента земја кај странци. Но веќе немам избор.

Си ветив, ќе отидам кај секого каде што ќе можам да ве демаскирам, раскринкам и докажам дека ги лажете за тоа што сте: лажни левичари кои подржуваат милитаристички организации, псевдо уметници кои забрануваат и подржуваат забрана на уметност, конвертити чии татковци и дедовци биле антизападни бољшевици и каповци на комунистичките тајни служби, црвена буржуазија која триесет години создава конфликти од кои се храни и живее!

Борбата е тешка. Ама ќе победиме.

Вистината, секогаш победува, нели? – напиша Бојаџи.