Фронтменот на Британскиот бенд “Iron Maiden” Брус Дикинсон денеска ја прими наградата Почесен граѓанин на Сараево!

Брус Дикинсон, фронтменот на Британскиот бенд “Iron Maiden” денеска ја прими наградата за почесен граѓанин на Сараево.

Тој ја доби наградата поради храброста на посетата во главниот град на Босна и Херцеговина во воениот период за организирање на концерт.

Прекрасно е да се види дека мојата посета од пред 25 години, толку многу значи на овој град и граѓаните, рече Дикинсон и додаде дека му е голема чест да ја прими таа награда, пренесе Фена.

Iron Maiden е британски хеви метал бенд од источен Лондон. Бендот е формиран од басистот Стив Харис, кој пред тоа бил член на бендовите Gypsy’s Kiss и Smiler. Тие се еден од најуспешните и највлијателни бендови во хеви металот, со продадени над 100 милиони примероци од нивните албуми ширум светот.

Името е добиено по средновековна справа за мачење од 17 бек, откако Стив го гледал филмот Man in the Iron Mask.

Досега имаат издадено 15 студиски албуми, 10 албуми во живо и 5 компилациски албуми со најголеми хитови.

На аудиција во Red Lion pub во Leytonstone Пол Ди’Ано станува новиот вокалист. Стив ќе изјави дека има нешто посебно во неговиот глас.
Свиреле 3 години но немале ништо издадено. На Нова Година 1978 ќе издадат демо The Soundhouse Tapes кое иако само со 3 песни ќе се продаде во 5 000 примероци за само една недела.

Нивното прво појавување на албум било во компилацијата Metal for Muthas со две рани верзии на “Sanctuary” и “Wrathchild”.