Пратеничката Фросина Ременски, на социјалните мрежи, се пофали со подготвен малешевски специјалитет.

– На Малеш фоф гората горе. – порачува Ременски на Фејбук објавувајќи фотографии од јадење подготвено со јајца, колбасици и сланина.

Во текот на истражната постапка за „Рекет“ пред неколку денови во Основното јавно обвинителство за гонење на организиран криминал и корупација на распит беше повиката и пратеничката Фросина Ременски.

Деновиве на распит пред обвинителката Вилма Русковска беа повикани и бизнисмени, а исказ даваше и водителката Лила Филиповска, која е блиска пријателка на Боки 13.

Фросина Ременски е почесна претседателка на Меѓународен сојуз на Бојан Јовановски Боки 13.

„Немам ништо против (Напротив!), ОЈО за организиран криминал и корупција да испита каква е мојата почесна функција во нeвладината организација на Бојан Јовановски (Боки 13).

Стојам на располагање да им појаснам сѐ што ги интересира, или за сѐ што имаат дилема. Секое ставање на моето почесно членство во невладина организација во контекст на актуелниот случај „Рекет” е очајнички обид на „државнички поставената опозиција” да фрли партиска боја на случајот кој треба/мора да добие разрешница, без навивање од партиски трибини и трибуни”, напиша Фросина Ременски на својот профил на Фејсбук пред еден месец.