Невремето кое беше проследено со дожд и грмежи ја погоди источна Австралија, додека тропскиот циклон Дамјан ослабе на северозападниот дел на земјата. Во исто време кон западот земјата сè уште се бори против големи пожари.

Метеоролошката агенција денеска соопшти дека паднал силен дожд во Нов Јужен Велс, плимата и осеката е ненормално голема, и дека во многу делови од земјата реките се излеале.

Метеоролозите велат дека денеска обилни врнежи од дожд наврнало во Линден, на западниот дел од Сиднеј, кога за два часа паднале 112 мм дожд.

По должината на брегот на северот паднаа 250 милиметри дожд за 24 часа, додека во регионот Сини Планини паднаа 150 милиметри.

По крај бреговите на Сиднеј, брановите достигнаа висина од скоро 14 метри, а има поплави на голем број места.  Многу домови останаа без струја заради невремето, објавија две комунални компании Аусгрид и Ендевор Енерџи.

Дождовите им помогнаа на пожарникарите, поради пожарите кои беснеат со месеци во кои се уништени 499.621 хектари земја, како и 312 домови.

Во исто време, шумските пожари продолжуваат да беснеат во западна Австралија.

Во меѓувреме, циклонот Дамјан ослабе по должината на северниот брег во регионот Дамбиер-Карат до категорија „невреме“.

Дневните температури во некои области се прогнозираат да достигнат до 42 степени.