Денес на пладне маж со калашников влегол во избирачко место во Драч, сакајќи да го попречи гласањето.

Денеска гласањето во Албанија поминува во тензична атмосфера. Имено, во избирачкото место во Драч, напаѓач искршил и гласачки кутии, а по упадот бил приведен во полиција.

Во соопштението од МВР на Албанија стои:
Осомничениот влезе со оружје на избирачкото место, му се заканувал на комисијата, ги искршил гласачките кутии, но беше уапсен од страна на полициските сили.
Полицијата го заплени оружјето марка калашников.

Во Албанија денеска без учество на опозицијата се одржуваат локалните избори каде дури во половина од вкупно 65 општини има по само еден кандидат за градоначалник, и тоа од коалицијата „Алијанса за европска Албанија“ предводена од владејачката Социјалистичка партија, поради што најмалку може да се оценат како плуралистички.