Стотина патници денеска се задржани на аеродромот Ел Прат во Барселона, откако се откажаа 45 летови поради протестите на каталонските сепаратисти, соопштија шпанските медиуми.

Најмалку 170 лица се повредени, меѓу кои 40 полицајци во протестите помеѓу демонстрантите и припадниците на полициската единица за разбивање на демонстрациите во меѓународниот аеродром во Барселона.

Како што соопштија каталонските власти во протестите се уапсени три лица. Демонстрациите започнаа доцна синоќа, а протестите започнаа откако Врховниот суд во Мадрид осуди девет бивши каталонски политичари и активисти на затворските казни од девет до 13 години, поради нивната улога во неуспехот за прогласувањето на независноста на Каталонија во 2017 година.

Тројцата осомничени се прогласени криви само за непослушност и не добија затворска казна.

Бившиот потпретседател на каталонската влада Ориол Зункерас е осуден на 13 години затвор поради побуна и злоупотреба на јавните фондови.

Демонстрантите излегоа на улиците после повикот кои преку социјалните мрежи ја упати групата Демократски цунами, пренесува АП, додавајќи дека министерот за внатрешни работи Фернандо Гранде Марласка изјавил дека таа група е под истрага.

Операторот на шпанскиот аеродром, АЕАНА, соопшти дека повеќе од 1.000 летови ќе бидат пореметени поради протестот.