Поради влошување на здравствената состојба на таткото на Бојан Јовановски, Миле Јовановски, судењето за „Меѓународен сојуз“ е прекинато на 30 минути.

Набрзо дојде и брзата помош која интервенираше.

Претходно на прашањето дали разбира за што е обвинет, Миле Јовановски, таткото на Бојан Јовановски, направи мало „шоу“ во судницата на судењето за „Меѓународен сојуз“.

„Не разбирам, ништо не е точно, ме правите криминалец на 60 години“, рече Јовановски, пренесува тв 21.

Судијката му посочи дека не треба да кометира, туку треба да одговори со да или со не, по што Јовановски рече дека го разбира, но дека не чувствува вина.

Потоа Миле Јовановски бараше да објасни, но судијата му рече дека во текот на судењето ќе има можност да даде образложение.

Денеска е давање на воведни зборови за предметот, во кој обвинети се Бојан Јовановски, Фросина Ременски, Јасна Мандиќ, Кристина Блажевска и Миле Јовановски.

Видеото можете да го погледнете ТУКА