Британската авиокомпанија „Бритиш ервејз“ денес откажа стотина летови од лондонските аеродроми поради проблеми со компјутерите во системот за чекирање билети.

Како што соопштија Лондонските медиуми „системскиот проблем“ предизвикал одложување и откажување на летовите од аеродромите Хитроу, Гетвик и Лондон.

Откажани се 81 лет до и од Хитроу, а откажани се 10 летови на Гетвик и поместени се повеќе од 200.

Голем број летови се одвиваат вообичаено, но им препорачуваме на нашите клиенти да ги проверат информациите на интернет страницата пред да дојдат на аеродромот…“, се наведува во соопштението „British Airways“.

Ова не е прв случај на пад на компјутерскиот систем на британскиот воздухопловен оператор. Такви дефекти се случија и во мај 2017 и во јули 2018 година.