Иако се очекуваше дека ќе дојде зима, сепак снегот практично ја блокираше  пола Македонија. Од вечерва, сообраќајот е во прекин на најголемиот дел од планинските превои низ Македонија

Според инфомрациите на АМСМ од терен, од 16:30 часот забрана за движење на тешки моторни возила е воведна на планинскиот превој Плетвар.

Половина час подоцна, забрана за истата категорија е воведена исто така и на планинскиот превој Стража, а за сите останати видови на возила, задолжителна е употребата на ланци.

Од 17 часот воведена е забрана за тешки товарни возила и на патниот правец Дреново – Прилеп.

Истовремено, од АМСМ соопштија дека по сообраќајката кај Псача, од 17 часот сообраќајот почнал да се одвива но наизменично со соодветна сообраќајна сигнализација и присуство на полицијата.

Се препорачува., доколку не станува збор за итна потреба да не патувате по секоја цена.

Времето во Македонија е облачно со врнежи претежно од снег, а долж Повардарието главно од дожд или од дожд и снег. Врнежите се поинтензивни особено во јужните делови.

До 19 часот вечерва во Битола наврнале 33 литри дожд на метар квадратен, во Претор 28, 27 во Гевгелија, 17 во Демир Капија… На Попова Шапка и Маврово има 18 сантиметри снег, 16 во Маврово и Претор, 15 во Тополчани, 11 во Битола.

Утре се очекува престанок на врнежите и краткотрајно разведрување, а нов влажен и потопол бран со врнежи претежно од дожд ќе има во вторник, кога пообилни врнежи се очекуваат во западните делови.