Како што јавуваат приштинските медиуми, неколку маскирани лица го нападнале Харадинај на автобуска станица во Печ и му нанесле тешки телесни повреди на главата и телото.
Имено, не се работи за косовскиот премиер Рамуш Харадинај, туку за негов близок член од фамилијата, јавуваат приштинските медиуми. Неколку маскирани млади лица со метални шипки вчера во попладневните часови, го нападнале Харадинај на автобуската станица и му нанесле тешки телесни повреди.
Еден од повредените е Е. Харадинај кој е роден 2001 година, инаку е многу блиска роднина на косовскиот премиер Рамуш Харадинај. Приштинските медиуми јавуваат дека нападот се случил вчера околу 17 часот. На лице место пристигнала полицијата, а повредените момчиња се пренесени во најблиската болница во Печ. На едниот му е укажана хируршка помош, а додека пак другото момче е пуштено на домашно лекување.
Повредениот има рани по главата и нозете, но животот не му е загрозен, речено е од болницата.
Како што известуваат медиумите од Косово, едното момче има седум рани на главата од нож и една рана на нозете. А додека пак другото момче има резови од нож на челото. Нападот го извршиле неидентификувани напаѓачи. Полицијата работи на случајот и нивно приведување во полиција.
Кога Диторе пишува дека нивниот новинар бил присутен кога полицајците ги опишувале напаѓачите. Биле двајца, облечени во црно со маски на лицето. Ги удирале момчињата со метални шипки, ги каменувале и ги прободиле со нож. Едниот од напаѓачите му се обратил на другиот да не ги тепаат во главата, но сепак тоа се случило.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.