Поранешниот косовски премиер Рамуш Харадинај оцени дека Европската унија го забавува процесот назначувајќи го Мирослав Лајчак за специјален претставник за дијалогот Белград-Приштина.
– ЕУ во фаза на големото финале и водечката улога на САД го забавува процесот – напиша Харадинај на својот профил на Твитер.
Советот на ЕУ вчера го назначи Мирослав Лајчак за специјален претставник на ЕУ за дијалогот Белград-Приштина и други регионални прашања на Западен Балкан.
Во Брисел, потенцираат дека главната задача на новиот специјален претставник на ЕУ ќе биде продолжување на дијалогот меѓу Белград и Приштина.
Вршителот на должност претседател на косовската влада Албин Курти изјави дека одредени политичари во Србија и Косово посакуваат конфликт во косовскиот север, со цел да го реализираат планот за размена на територии меѓу двете земји, јави дописникот на МИА од Приштина.
– Има високи политичари во Белград кои сакаат конфликт во Косово, посебно северно од Ибар. Меѓутоа има и високи политичари и официјални лица и во Приштина кои сакаат конфликт во Косово, посебно северно од Ибар. Нивниот проект за размена на територии кога би се реализирал би предизвикал нови конфликти и крвопролевања.
Сега сакаат конфликти и крвопролевања на терен за да се вратат на размената на територии, односно на поделбата на Косово, порача Курти.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.