Косовскиот претседател Хашим Тачи го обвини „техничкиот премиер“ Албин Курти дека е дилер на дрога и дека местото му е во затвор.
Тачи објави видео од лабораторијата за дрога во Приштина на социјалните медиуми, тврдејќи дека тоа е доказ против ’групата Курти и политичкото семејство на министерот за правда, Хаџиу’.
„Ова се слики од лабораторијата за дрога во Приштина, со друг член на оваа криминална група, (в.д. косовски министер за полиција).
Пред неколку дена, тие се обидоа да ги отстранат како инкриминирачки имот конфискуван од магацин. Време е тие да се соочат со правдата “, напиша Тачи на својот Фејсбук.
Тачи претходно го обвини Курти дека одел во просторијата за прислушување во Телеком Косово со „вицепремиерот“ Хаки Абази“, велејќи дека тие треба да се соочат со правдата заради тоа.
– Тајно одењето во просторијата за прислушување и исклучување на безбедносните камери е сериозно кривично дело и тие мора да се соочат со правдата – рече Тачи.
Албин Курти, од друга страна, истакна дека обвинувањата на Тачи биле чисти лаги и клевети.
– Проблемот со лажговците е што не можат да излажат еднаш, но мораат да лажат секој ден, дури и неколку пати на ден. Тие сакаат да влезат во просторијата за прислушување, сакаат да го узурпираат седиштето на Премиерот и сега тие ми ги припишуваат желбите – истакна Курти.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.