Косовскиот претседател Хашим Тачи, по оставката, самиот отиде во седиштето на ЕУЛЕКС. Во просториите на мисијaта се наоѓа и Кадри Весели, кој објави дека е поднесено обвинение и против него, јавува репортерката на ТВ Прва.

Тачи пристигна во седиштето на ЕУЛЕКС со приватен автомобил. Претходно денес, тој поднесе оставка од функцијата претседател откако Специјалниот суд во Хаг го потврди обвинението против него.

Владата на Косово по повод потврдувањето на обвиненијата против претседателот на Косово Хашим Тачи и претседателот на Демократската партија на Косово, Кадри Весељи, во соопштение оцени дека „никој не може да суди за нашата борба за слобода“, која е „еден од најсветлите периоди во историјата“.

„УЧК се бореше за ослободувањето на нашата земја, за заштитата на нашиот праг, а не во странски земји, и како таква ја имаше поддршката од меѓународната заедница која кулминираше со НАТО бомбардирањето“ во 1999 година, се наведува во соопштението.

Од Специјалното обвинителство нема официјална потврда дека обвинението се уште е поднесено!