Нашата Aтиџе пристигна во Холивуд, а странските медиуми веќе ја опишуваат како ѕвезда.

„Атиџе го шармира Холивуд” се вели во насловот на текстот што го објави Франс Прес посветен на нашата скромна Атиџе

„На Оскарите во недела, посветете внимание на Атиџе Муратова. Не можете да ја промашите. Таа ќе биде единствената македоснко-турска гостинка меѓу публиката во театарот „Долби” во Холивуд”, пишува во текстот.

Атиџе е вистинска ѕвезда, луѓето ја сакаат и дури и холивудските ѕвезди постојано ја застануваат за да се сликаат со неа.

Македонскиот документарец „Медена земја“ е во режија на Љубомир Стефанов и Тамара Котевска. „Медена земја“ е филм за Атиџе, последната жена-одгледувач на диви пчели во Европа. Главна идеја на филмот е да се прикаже припадноста на човекот кон природата. Атиџе со ведрина во гласот се присетува на безгрижните детски денови во селото Бекирлија.

Во детството, Атиџе неколку пати се соочила со страшни убоди од пчелите, но така и ги засакала.

Медена земја е првиот филм во историјата кој добил номинации за Оскар во две категории – најдобар документарец и најдобар странски филм.

„Сара Џесика Паркер беше многу возбудена што ја сретна Атиџе откако го гледала филмот. Атиџе ѝ предвиде иднина гледајќи ѝ на кафе“, вели продуцентот Атанас Георгиев.