Утрово во 6 часот и 50 минути, се случило убиство во Гостивар. Од МВР информираа дека 33 годишен маж ја пронашол својата мајка усмртена во спалната соба.  Од полицијата велат дека осомничен за убиството е Б.И.(67) кој како што велат со секира си ја заклал сопругата во семејната куќа.

„Денеска (10 септември) во 6 часот и 50 минути, В.И.(33) од Гостивар во СВР Тетово пријавил дека во спалната соба од семејната куќа ја пронашол усмртена неговата мајка Џ.И.(60).Осомничен дека го извршил убиството е Б.И.(67) сопруг на Џ.И. и татко на пријавителот, кој со остaр предмети ja усмртил.“ – велат од МВР за Прес24

Од полицијата додаваат дека во моментов Јавен обвинител и екипа на СВР Тетово вршат увид на лице местото и се преземаат мерки за целосно расчистување на случајот.

Настанот видно ги вознемири повеќето соседи во гостиварската населба Бањешница кои од утрово се обидуваа да разберат што се случило во нивна близина. Повеќето беа зачудени од настанот, бидејќи како што рекоа, биле сосема нормални луѓе и ништо не навестувало дека утрово ќе има трагичен исход.

Засега не е познато што довело до трагедијата, но неофицијално станува збор за расправија поради нарушени меѓусебни односи.

Во меѓувреме еден од соседите за МИА изјави дека, осомничениот, непосредно по настанот побегнал и дека се јавил во полиција. Тој рекол дека наскоро ќе дојде да се пријави. Од СВР Тетово не можеа да ги потврдат овие наводи и само посочија дека осомничениот по извршеното кривично дело е недостапен и се спроведуваат активности за негово обезбедување.

Издадени се наредби за обезбедување и прибирање на траги за натамошно вештачење и за обдуција на телото.