Експлозија што се случи утрово во зграда во Милано повреди шест лица, од кои едно потешко, пренесоа италијанските медиуми.
Најтешко повреден е 30-годишен маж кој се здобил со изгореници од втор и трет степен по целото тело, според агенцијата Анса.
Како што е наведено, пожарот избувнал на приземјето на зградата, кој го зафатил првиот кат, а се верува дека причина е истекување на гас.
Брза помош, полиција и пожарникари се испратени на местото на несреќата на плоштадот Либија во Милано.
Пожарникарите трагаат по некои луѓе кои најверојатно ја напуштиле областа поради експлозијата што се случи утрово во 7.20 часот, јавуваат локалните медиуми.
Според порталот Milanotoday.it, последиците од експлозијата се јасно видливи од плоштадот, прозорците до третиот кат се целосно уништени, а влезот во зградата е опкружен со урнатини.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.