Воздушната одбрана на Сирија скоро го погоди авионот Ербас 320 со 172 патници, кој веднаш слета во воената база Хмејим во Сирија, јави руската новинска агенција РИА.

Сириската воздушна одбрана се обиде да го одбие нападот на Израел во близина на Дамаск, објави Ројтерс.

Портпаролот на руското Министерство за одбрана изјави дека четворица израелски борбени авиони испукале осум ракети во предградијата на Дамаск, но не влегле во воздушниот простор на Сирија.

Неодамна украински патнички авион се урна кусо време по полетувањето од меѓународниот аеродром во Техеран. Во несреќата немаше преживеани.
Иранските државни медиуми, јавија дека Боингот 737-800 пренесувал 170 патници и членови на екипажот и летал кон Киев.

Уривањето на авионот доаѓа само неколку часа откако Иран лансираше напад со балистички проектили врз две бази во Ирак, каде се стационирани американски војници, како одмазда за убиството на генералот на Револуционерната гарда на Иран, Касем Солејмани.

Исто така снимката од камера за надзор покажуваше дека украинскиот патнички авион, во кој загинаа 176 луѓе, е погоден со две ракети откако полетал од Техеран на 8 јануари