Повеќе од 4.000 новоинфицирани лица со корона се евидентирани денес во Хрватска!

Во последните 24 часа се евидентирани 4.135 нови случаи на инфекција со вирусот САРС-КоВ-2, а бројот на активни случаи во Хрватска денес е вкупно 25.270.

Меѓу нив, 2.792 пациенти се во болница, од кои 295 се на апарати за дишење. Починаа 78 лица.

Од 25 февруари 2020 година, кога е регистриран првиот случај на инфекција во Хрватска, вкупно евидентирани се 172.523 лица заразени со новиот коронавирус, од кои 2.562 починале, а вкупно се опоравиле 144.691 лица, од кои 3.793 во последните 24 часа.

Во моментов има 63.908 лица во самоизолација. До денес се тестирани вкупно 872.515 лица, од кои 11.114 во последните 24 часа.

Од денес на сила се нови мерки за продавници и трговски центри. Тие главно се однесуваат на ограничување на бројот на луѓе во продавниците.