Денеска Министерството за внатрешни работи на Хрватска на граничниот премин Маљевац кон Босна и Херцеговина постави метална заштитна ограда, која ќе ги спречи мигрантите илегално да влезат во земјата.

Има голем број мигранти кои престојуваат на подрачјето на Унско-санскиот кантон, кај Велика Кладуша, а веќе неколку пати мигрантите се обидоа да поминат преку граничниот премин Маљевац, со цел да влезат на просторот на Европската унија.

Денеска од граничната полиција на БиХ изјавија дека хрватското Министерство за внатрешни работи, им соопштиле дека ќе има краткотраен прекин на сообраќајот, поради поставување на оградата.

По големите проблеми и нарушување на јавниот ред и мир, од вечерва на мигрантите им се забранува движење надвор од прифатните центри. Населението живее во голем страв од напливот на агресивни мигранти низ улиците , планините и имотот на граѓаните.

Во периодот дојде до повеќе масовни тепачки меѓу мигранти од Пакистан и Авганистан, а повеќе од нив се тешко повредени, неколкумина ги загубија животите.

Ситуацијата во Б и Х е сериозна поради неконтролираното однесување на над 3.000 мигранти.