Албанските медиуми пишуваат дека семејството на газдата на ФК Шкендија, Лазим Дестани, донирало околу 3.000.000 евра, за настраданите и погодените од земјотресот во Албанија.

Дестани ден по земјотресот заминал во Драч да се увери во штетата.

Албанскиот премиер на вчерашната владина седница рече дека се прекинати потрагата и спасувачките операции по преживеаните од земјотресот, додавајќи оти бројот на жртвите од катастрофалниот земјотрес се искачи на 50. 

Албанската влада донесе одлука со која на семејствата кои изгубија членови да им додели по еден милион леки (околу 8.500 евра), а ќе ги покрие и трошоците за погреб.

Еди Рама им се заблагодари на екипите за потрага и спасување кои дојдоа во Албанија од повеќе земји.

Сакам да им се заблагодарам на екипите за пребарување и спасување кои дојдоа од надвор. Без нив не би можеле да спасиме ниту еден жител од под урнатините. Но, ова не ја намали работата на нашите екипи за пребарување и спасување, но ним им се потребни специјални средства, рече премиерот.

ФК Шкендија е фудбалски клуб од Тетово, Македонија, создаден на 27 август 1979 година. Моментално игра во Првата македонска фудбалска лига. Своите натпревари ги игра на Градскиот стадион во Тетово. Клубот е освојувач на Првата лига во сезоните 2010/11, 2017/2018 и 2018/2019, и на Купот на Македонија во 2015/16 и 2017/18.