Министерката за образование и наука Мила Царовска, заедно со премиерот Зоран Заев на вчерашната прес-конференција ја претстави националната платформа за онлајн учење, која ќе се употребува од почетокот на новата учебна година и воедно потенцираше дека ќе биде добра замена за досегашното традиционално учење.

Министерката додаде дека поради условите во кои се наоѓа државата но и светот поради пандемијата со коронавирус, посветено е големо внимание за креирање на платформата з аонлајн учење, со цел учениците да добијат квалчитет и знаење.

– Силно се посветивме на креирање платформа за учење од далечина. Таа е влог за модернизација на образованието и алатка што ќе помогне да се задржи квалитетот на образованието и во време на пандемија, но ќе биде корисна и во иднина. Целосно ја разбирам загриженоста на родителите, како ќе одат на работа и како ќе им помагаат на своите деца при учењето. Платформата ќе биде предизвик за сите, но верувам дека ќе ја засакаме. Таа е лесна и практична и овозможува наставниците на едноставен и на креативен начин да воспостават комуникација со учениците. Националната платформа е многу повеќе од подобра замена за традиционалното учење – изјави Царовска.

Во своето обраќање премиерот Заев истакна дека всушност пандемијата не научи дека е потребен добар образовен систем.