Цените на нафтата достигнаа највисоки нивоа од октомври 2014 година, како резултат на растечките геополитички тензии, намаленото производство и очекувањата за поголема побарувачка.
Инвеститорите се загрижени дека глобалните политички тензии во кои се вклучени некои од најголемите светски производители на нафта може да ги влошат ионака ограничените изгледи за снабдување.
Цената на американската сурова нафта WTI (West Texas Intermediate) денска е над 86 долари за барел, додека северноморската нафта брент се тргуваше по цена повисока од 88 долари за барел во исто време.
На првиот ден од оваа година цената на нафтата WTI беше нешто повисока од 75 долари за барел, а нафтата од типот брент чинеше помалку од 78 долари за барел.
Загриженоста за испораките се зголеми оваа недела откако јеменските Хути нападнаа цели во Обединетите Арапски Емирати.
Ова ги интензивираше непријателствата меѓу Хутите поврзани со Иран и коалицијата предводена од Саудиска Арабија.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.