Грчкиот премиер Ципрас на втори април ќе дојде во официјална посета на Македонија, при што ќе има средба со премиерот Заев, а потоа заедно и ќе го отворат бизнис форумот во хотелот “Александар Палас“. Но, стопанската комора од Солун ја одбила поканата на Ципрас и Заев за учество на бизнис форумот, а претседателот на оваа комора Михалис Зорбидис изјави “нема да бидеме дел од бизнис делегацијата во Скопје се додека таа земја го носи името што не и припаѓа“.
За време на средбата со околу 40 стопанственици од Солун, кои Ципрас ги убедуваше да му се придружат во посетата на Скопје, пред зградата на стопанската комора се одржаа протести на кои се извикуваа слоганите “Македонија е грчка“ и “Ципрас предавник“. Ципрас ги убедувал солунските бизнисмени дека северниот дел на Грција може да профитира од подобрувањето на односите со помалиот сосед и дека Грција има шанса уште повеќе да ја зголеми трговската размена во своја корист, но сепак тоа не било доволно убедливо за присутните стопанственици кои му се пожалиле на Ципрас дека грчкото стопанство нема капацитет да инвестира надвор, бидејќи грчката економија е во многу лоша состојба.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.