На денешнниот „Копаоник бизнис форум“ поранешни високи официјални претставници на земјите на Западен Балкан оценија дека иницијативата „Мини Шенген“ е добра за граѓаните и економската интеграција во целиот регион на Западен Балкан (ЗБ), но некои земји не учествуваат заради суетата и сметаат дека е тоа е врзување за Белград.

Поранешниот претседател на Црна Гора,  Филип Вујановиќ изјави дека иницијативата „Мини Шенген“ е погрешна терминолошки, како и дека регионалната интеграција може да се постигне само доколку учествуваат сите шест земји од регионот,  јави дописникот на МИА од Белград.

Чинот е добар, но начинот е лош. Тоа е идеја што е „нарушена“ при создавањето на нешто што им е потребно на сите, изјави Вујановиќ.

Дел од денешниот бизнис форум беше и поранешниот македонски претседател Бранко Црвенковски. Тој постави прашање дали постои барем една рационална причина зошто граѓаните од регионот не би патувале поевтино, полесно би се вработувале и занимавале со бизнис.

Оваа иницијатива треба да создаде една структура како дел од европските интеграции. Без оглед на тоа што мислиме, да сме лидери на регионот, ние мора да разбереме, од гледна точка на Брисел, Берлин, Париз, дека при градење на долгорочна стратегија, таа се прави за ЗБ, а не за одделни земји, кажа Црвенковски.

Црвенковски посочи дека пред 10 години, кога Македонија имаше проблеми со Грција, се до пред две години кога беше потпишан Преспанскиот Договор, ЕУ и давала препораки на Македонија, дека земјата не може да ги започне преговорите сè додека не се реши спорот со Грција. Црвенковски посочи дека откако се потпиша договорот тоа предизвика големо разочарување кај македонскиот народ.

Тогаш беше направен горчлив и тежок компромис и кога тоа се случи, настана горчлив шок, изјави Црвенковски.Се испостави дека ЕУ не држи до својот збор и не ги исполнува своите ветувања, истакна тој, додавајќи дека тоа испраќа лош сигнал за решавање на други отворени и тешки прашања како што е односот меѓу Белград и Приштина, но и структурата на власта во БиХ.

Црвенковски вели дека без оглед на тоа дали ЕУ е подготвена да ги отвори вратите за земјите од Западен Балкан, сепак реформите мора да се спроведат.

Без оглед на ставот на ЕУ, што ќе одлучи, дали местото на Западен Балкан е во ЕУ, ние мора да продолжиме со реформите и да го продолжиме европскиот курс за доброто на граѓаните и нивната иднина, оцени Црвенковски.